زوان، سهرقافڵهو کاروانوو فهرههنگی ... هیوا عهلی ڕهمایی
21وو فێبرییهو گرد ساڵی، جه لایهنوو سازمانوو یۆنێسکۆیوه به ڕۆ جههانی زوانی ئهڏاییوه ئهژناسیان. تهرخان کهردهی ڕۆیه به بۆنهو زوانی ئهڏاییوه وێش پهی وێش ئهههمیهتوو ئی بابهتهیمانه پهنه نیشانه مهڏو. دیارهن ئامانج چی ڕۆیه بهرزوه کهردهی پلێ زانیاری و ئاگایی نهتهوهکاو دنیاین وهراوهر به زوانهکهیشاوه؛ چونکوو بنهڕهتی تهرین فاکتۆروو پارێزناو فهرههنگوو ههر نهتهوییه، زوانهکهشهن. ڕهنگا خاڵانیه فرێ جه شکڵ گێرتهو کاروانوو فهرههنگ و هۆویهتیمانه بهشدارێ با، بهڵام بێ شهک سهرقافڵهو ئی کاروانیه، زوانهن و حیچیه تهر. ئهگهر میللهتیه زوانوو وێش جه دهس بڏۆ، شوونیشهره قافڵهو فهرههنگیش مهپژگیۆنێ و ئا میراته که جه ویهردهیوه یاوان پهنهش، تێک مهدریۆنێ و دلێنه مهشۆ، وه یا میللهتهکا تهری دهس مهنیا سهرش و داگیرش مهکهرا پهی وێشا ...